ՌԱՑԻՈՆԱԼ ԿՈՏՈՐԱԿՆԵՐԻ ՈՒՍՈՒՑՄԱՆ ԲՈՎԱՆԴԱԿԱՅԻՆ ՈՐՈՇ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ

Վերացական

Հոդվածում դիտարկվում են միջին դպրոցի հանրահաշվի դասընթացում ռացիոնալ կոտորակների ուսուցման բովանդակային մի քանի կարևոր առանձնահատկություններ։ Նախ ցույց է տրվում ռացիոնալ կոտորակի գաղափարի ընդգրկուն դերը ըստ միջին դպրոցի դասարանների։ Յոթերորդ դասարանում ռացիոնալ կոտորակի գաղափարը որպես հանրահաշվական արտահայտություն հանդես է գալիս որպես հանրահաշվական լեզվի հիմնական կազմավորիչ, իր մեջ ներառելով շատ փոփոխականներով բազմանդամների տեսությունը։ Ութերորդ դասարանում իրավիճակը պարզեցվում է ռացիոնալ կոտորակի հասկացության ներմուծմամբ, իսկ իններորդ  դասարանում մոտեցումը կոնկրետացվում է մեկ փոփոխականով բազմանդամների համար։ Որպես հաջորդ կարևոր առանձնահատկություն դիտարկվում է ռացիոնակ կոտորակների դերը հավասարության  և նույնության ըմբռնումների նույնականացման հարցում։ Քննարկվում է նաև ռացիոնալ կոտորակների դերը կիրառական միջավայրում առաջացած խնդիրների մոդելավորման և   լուծման մեջ։ Որպես կիրառական միջավայրի իրադրություններ դիտարկվում են ուղղագիծ և շրջանաձև հավասարաչափ շարժման, ջրավազանը լցվել-դատարկվելու, համատեղ աշխատանքի, խառնուրդների և համաձուլվածքների,  վերաբերյալ զանազան իրավիճակներ, ներկայացվում է դրանց վերաբերյալ խնդիրների կազմման մեխանիզմը։